29.01.2010 [agrodigital.com] O ISB News Report publicou un informe especial sobre como a enxeñaría xenética está a axudar a poder obter alimentos máis enriquecidos. O informe céntrase en tres exemplos do que as actuais investigacións están a conseguir: 1) plantas MG que producen ácidos graxos omega-3, 2) Plantas MG cun alto contido en vitamina B6 e 3) arroz MG cun alto contido en ferro.

Investigadores do Centro Rothamsted Research (Reino Unido) mostraron que a enxeñaría xenética pode desenvolver novas características graxas e esperan que nun futuro se poidan obter oleaxinosas ricas en ácidos graxos omega 3.

Investigadores do Danforth Center (EEUU) e da Universidade Rei Abdullah (Arabia Saudita) desenvolveron plantas de Arabidopsis thaliana modificadas xeneticamente, que conteñen tres veces máis vitamina B6 que a silvestre. A falta desta vitamina produce debilidade muscular, falta de concentración, irritabilidade, inflamación da pel, estando asociada a enfermidades como o Alzheimer. En EEUU, un 14% da poboación ten deficiencia desta vitamina.

Investigadores do ETH Zúric (Suíza) obtiveron plantas de arroz MG que conteñen 6 veces máis ferro que as plantas convencionais. A anemia (falta de ferro) é un dos problemas nutricionais máis estendidos que afecta á gran maioría dos nenos e mulleres xestantes dos países en desenvolvemento.

Máis información: http://www.isb.vt.edu/news/2010/Jan10.pdf
Fonte: agrodigital.com